Gweithdai Disgyblion
Yn 'More Than Flags and Rainbows,' credwn ni fod creu amgylchedd diogel a chynhwysol yn dechrau gyda dealltwriaeth a pharch. Dyluniwyd ein gweithdy, *Mae Hynny Mor Hoyw / That’s So Gay’*, i daclo iaith a bwlio homoffobig mewn ysgolion, yn enwedig yn delio â’r camddefnydd o’r gair “hoyw” / “gay” fel sarhad.
Blynyddoedd 3 a 4: Dathlu Amrywiaeth Teuluoedd
Ym mlwyddyn 3 a 4, rydym ni’n cyflwyno’r plant i’r cysyniad o amrywiaeth teuluoedd, yn helpu iddyn nhw ddeall bod pob teulu’n unigryw. Mae’r gweithdy hwn yn normaleiddio gwahanol strwythurau teuluoedd, gan gynnwys y rheiny sydd â rhieni o’r un rhyw, ac mae’n cyflwyno’r term “hoyw” / “gay” mewn cyd-destun teuluol parchus ac addas i’r oedran. Trwy straeon rhyngweithiol, trafodaethau, a gweithgareddau, dysga myfyrwyr sut i werthfawrogi amrywiaeth a’r pwysigrwydd o barch.
Blynyddoedd 5 a 6: Deall Bwlio Homoffobig
Wrth i’r disgyblion gynyddu, adeiladwn ni ar y syniad o amrywiaeth teuluoedd trwy ddatblygu dealltwriaeth well o ddylanwad bwlio homoffobig. Yn y sesiynau hyn, mae myfyrwyr yn archwilio sut gall iaith niweidio eraill, y canlyniadau o ddefnyddio “hoyw” / “gay” fel sarhad, a’r pwysigrwydd o sefyll i fyny yn erbyn ymddygiadau fel hyn. Trwy actio senarios a thrafod, dysga’r myfyrwyr yr offer i herio bwlio a chreu cymuned ysgol fwy cefnogol.
Ysgolion Uwchradd: Dod yn gyfaill
Mae’r gweithdy hwn yn cefnogi disgyblion wrth ddatblygu dealltwriaeth well o fwlio homoffobig, ehangu eu gwybodaeth o amrywiaeth teuluoedd i hunaniaeth unigol. Mae myfyrwyr yn archwilio’r dylanwad o iaith ar eraill, gan ganolbwyntio ar y niwed a achosir pan ddefnyddir termau megis “hoyw” fel sarhadau, a’r pwysigrwydd o adeiladu diwylliant ysgol parchus.
Trwy fynychu trafodaethau a gweithgareddau grŵp, dysga disgyblion am y rôl o gyfeillion wrth sefyll yn erbyn bwlio. Maen nhw’n trafod ffyrdd ymarferol o gefnogi cyfoedion, er enghraifft trwy ddefnyddio iaith gynhwysol, galw allan ymddygiad gwahaniaethol, a chynnig cyfeillgarwch i’r rheiny sy’n cael eu heffeithio gan fwlio. Mae’r gweithdy’n annog myfyrwyr i adlewyrchu ar empathi, caredigrwydd a pharch, yn helpu nhw i adeiladu amgylchedd mwy cynhwysol a chefnogol i bawb.
Erbyn diwedd ein holl weithdai, bydd gan ddisgyblion syniad cryfach o gyfeillgarwch, yn teimlo’n barod i greu newid positif yn weithredol yn eu cymuned ysgol.
